केही दिनदेखि नेपालमा लगातार पानी परिरहेको थियो । तर मंगलबारदेखि मौसममा सुधार आएको छ । काठमाडौं उपत्यका लगायत देशका धेरै स्थानमा बिहानै घाम लागेको छ ।
अहिले देशभर सामान्य बदली रहि प्रदेश नं १, गण्डकी प्रदेश, कर्णाली प्रदेश र सुदुरपश्चिम प्रदेशका थोरै स्थानहरूमा मात्र हल्का देखि मध्यम पानी परिरहेको छ।
मौसम पूर्वानुमान महाशाखाका अनुसार हाल नेपालमा मनसुनी वायुको प्रभाव रहेको देखिन्छ। आज दिउँसो देशभर सामान्य बदली रही केहि स्थानहरुमा हल्का देखि मध्यम पानी पर्ने सम्भावना रहेको छ ।
यस्तै आज सुदुरपश्चिम प्रदेशका थोरै स्थानमा ठुलो पानी पर्ने सम्भावना रहेको छ । त्यस्तै आज राति बागमती प्रदेशका एक(दुई स्थानमा हल्का देखि मध्यम पानी पर्ने सम्भावना रहेको छ ।
