Friday, November 20

अन्तर्राष्ट्रिय

अमेरिका र चीनबाट ५० \५० लाख डोज खोप खरिद गर्ने सरकारको तयारी
अन्तर्राष्ट्रिय, समाचार

अमेरिका र चीनबाट ५० \५० लाख डोज खोप खरिद गर्ने सरकारको तयारी

सरकारले चीन र अमेरिकाबाट कोरोनाविरुद्धको खोप खरिद गर्ने प्रक्रिया अघि बढाएको छ । परराष्ट्रमन्त्री प्रदीप ज्ञवालीले चीन र अमेरिकाबाट ५० \५० लाख डोज खोप ल्याउने तयारी भइरहेको जानकारी दिएका छन् । स्वास्थ्य पत्रकार मञ्चले खोपबारे आयोजना गरेको भर्चुअल अन्तरक्रिया कार्यक्रममा मन्त्री ज्ञवालीले यो वर्षको अन्त्यसम्म लक्षित समूहलाई खोप दिनका लागि खरिद प्रक्रिया अघि बढाइसकेको जानकारी दिए । उनले चीनको सिनोफार्मसँग पहिलो चरणमा ५० लाख र अमेरिकी खोप उत्पादन कम्पनी जोन्सन एन्ड जोन्सन कम्पनीबाट ५० लाख डोज खोप खरिद प्रक्रिया अघि बढाइएको जानकारी दिए । यसैगरी कोभिशिल्डको उत्पादनकर्ता सेरमले यो वर्षको अन्त्यसम्म कुनै पनि देशलाई खोप निर्यात नगर्ने घोषणा गरेपनि आफुहरुले १७ लाख डोज कोभिशिल्ड उपलव्ध गराउन भारतसँग आग्रह गरेको उनले बताए। झण्डै १४ लाख व्यक्तिले कोभिशिल्डको दोस्रो मात्रा लगाउन बाँकी रहेका छन...
चक्रवातका कारण भारत, बंगलादेशमा ठूलो क्षति, ११ लाखभन्दा बढी मानिसको उद्धार
अन्तर्राष्ट्रिय, समाचार

चक्रवातका कारण भारत, बंगलादेशमा ठूलो क्षति, ११ लाखभन्दा बढी मानिसको उद्धार

पूर्वी भारत र छिमेकी बंगलादेशमा भारी वर्षा सहितको चक्रवातका कारण लाखौं मानिस प्रभावित भएका छन्। “यास” नामको उक्त आँधीका कारण बुधबार बिहानसम्म ११ लाखभन्दा बढी मानिसलाई सुरक्षित स्थलमा सारिएको अधिकारीहरुले बताएका छन्। प्रारम्भिक विवरणमा आँधीका कारण दुई जनाको मृत्यु भएको छ भने घरहरुमा व्यापक क्षति पुगेको छ। भारतका पूर्वी राज्यहरु पश्चिम बंगाल र उडिसामा शुरुआति प्रभाव पारेको यो आँधी उत्तरतर्फ बढ्दै गएको छ। भारतीय मौसम विज्ञान विभागका अनुसार वर्षा सहितको यस आँधीको सरदर गति १३० देखि १४० किलोमिटर प्रतिघण्टा रहेको छ। समुद्री किनाराबाट उक्त आँधी जमिनमा आउन थालेको र बुधबार साँझसम्म उक्त आँधीको वेग कमजोर हुँदै जाने विभागले जनाएको छ। बंगलादेशमा तटवर्ती २०० गाउँका हजारौं बासिन्दा आँधीको चपेटामा परेका छन्। समुद्रबाट आएका अग्लाअग्ला छालहरुले स्थानीयबासीका घर, पसल र खेतीपाती पुरै जलमग्न बनाएको छ।...
अमेरिकाद्वारा स्वास्थ्य सामाग्री सहयोग, दिउँसो २ बजे आइपुग्ने
अन्तर्राष्ट्रिय, समाचार

अमेरिकाद्वारा स्वास्थ्य सामाग्री सहयोग, दिउँसो २ बजे आइपुग्ने

कोरोना महामारीविरुद्ध अमेरिकाले नेपाललाई चरणबद्ध सहायता उपलब्ध गराउने जानकारी दिएको छ । अमेरिकाले कोरोना भाइरसविरूद्ध लड्न नेपाललाई तीन वटा जहाजमा सामान पठाउने भएको छ । तीन वटा जहाजमध्ये पहिलो जहाज काठमाडौंका लागि उडिसकेको छ । उक्त जहाज दिउँसो २ बजे त्रिभुवन अन्तर्राष्ट्रिय विमानस्थलमा आइपुग्ने जनाइएको छ । अमेरिकी सहयोग नियोग युएसएडले बिहीबार सर्जिकल मास्क, फेससिल्ड, पञ्जालगायत स्वास्थ्यकर्मीलाई चाहिने अन्य आवश्यक सामग्री पठाउन लागेको जानकारी दिएको छ । गएका तीन सातामा नेपाललाई १ करोड ५० लाख डलर बराबरको स्वास्थ्य सामग्री उपलब्ध गराएको युएसएडले जनाएको छ। अमेरिकी विदेशमन्त्री एन्टोनी ब्लिंकेनले शुक्रबार बिहान ट्वीटरमार्फत वैदेशिक सहायतामा वृद्धि गरिएको जानकारी गराएका छन् । कोभिड–१९ महामारीविरुद्ध घोषणा गरिएका सहायतालाई समेत जोडेर बैदेशिक सहायताको आकारमा वृद्धि गरिएको उल्लेख छ ...
भारतमा अहिलेसम्मकै धेरै एकै दिनमा २१ लाख २३ हजारको कोरोना परीक्षण
अन्तर्राष्ट्रिय, स्वास्थ्य

भारतमा अहिलेसम्मकै धेरै एकै दिनमा २१ लाख २३ हजारको कोरोना परीक्षण

भारतमा एकैदिनमा २१ लाख २३ हजारभन्दा बढीको कोरोना परीक्षण गरिएको छ । एकै दिनमा यति धेरै कोरोना परीक्षण गरिएको यो पहिलो पटक भएको सरकारी अधिकारीहरुले आइतबार जानकारी दिएका छन् । भारतको केन्द्रीय स्वास्थ्य तथा परिवार कल्याण मन्त्रालयका अनुसार एकै दिनमा २० लाखभन्दा बढीको कोरोना परीक्षण गरिएको यो पाँचौ दिन हो । पछिल्लो २४ घण्टामा भारतमा २१ लाख २३ हजार ७८२ हजार जनाको कोरोना परीक्षण गरिएको मन्त्रालयले जनाएको छ । भारतमा दैनिक २५ लाख जनाको कोरोना परीक्षण गर्न सक्ने क्षमता रहेको पनि मन्त्रालयका अधिकारीहरुले बताएका छन् । दैनिक सङ्क्रमितको सङ्ख्यामा कमी आउदै गएको देखिएको छ । पछिल्ला केही दिनदेखि दैनिक तीन लाखभन्दा कम सङ्क्रमित हुने गरेका छन् । सरकारी अधिकारीहरुले आइतबार बिहान दिएको जानकारी अनुसार पछिल्लो २४ घण्टामा भारतमा दुई लाख ४० हजार ८४२ जना नयाँ सङ्क्रमित थपिएका छन् । त्यसैगरी सोही अवधिमा ...
प्रतिव्यक्ति आयमा बंगलादेशले भारतलाई उछिन्यो
अन्तर्राष्ट्रिय, समाचार

प्रतिव्यक्ति आयमा बंगलादेशले भारतलाई उछिन्यो

बंगलादेशले प्रतिव्यक्ति आयमा छिमेकी देश भारतलाई उछिनेको छ । आर्थिक वर्ष २०२०–२१ मा बंगलादेशको प्रतिव्यक्ति आय २ हजार २२७ पुगेको छ । जबकि यही आथिृक वर्षमा भारतको प्रतिव्यक्ति आय १ हजार ९४७ मात्रै छ । बंगलादेशका योजनामन्त्री एमए मननले देशको प्रतिव्यक्ति आय वृद्धि भएको जानकारी दिएका हुन् । यससँगै बंगलादेशको प्रतिव्यक्ति आय भारतको भन्दा २८० डलर बढी भएको छ । ‘आर्थिक वर्ष २०२०–२१ मा हाम्रो प्रतिव्यक्ति आय २,२२० डलर पुगेको छ । अघिल्लो आर्थिक वर्षमा यो २,०६४ डलर थियो । जसअनुसार हाम्रो आर्थिक वृद्धिदर ९ प्रतिशत छ’ बंगलादेशका क्याबिनेट सचिव खन्डकर कनवरुल इस्लामले एक प्रेस ब्रिफिङमा भने । विश्वका अत्याधिक जनघनत्व भएका देशहरुमध्येको एक बंगलादेशले करिब ५ दशकसम्म गरिबी र विकासको कमीसँग संघर्ष गरेको थियो । सन् २००७ मा बंगलादेशको प्रतिव्यक्ति आय भारतको भन्दा आधा थियो । यदि अन्तर्राष्ट्रिय मुद्रा कोष...
भारतमा एकै दिनमा झण्डै साढे दुई लाख सङ्क्रमित, ३७ सयको मृत्यु
अन्तर्राष्ट्रिय, समाचार

भारतमा एकै दिनमा झण्डै साढे दुई लाख सङ्क्रमित, ३७ सयको मृत्यु

भारतमा कोरोनाभाइरसबाट एकै दिन झण्डै साढे दुई लाख नयाँ सङ्क्रमित थपिएका छन् । सरकारी अधिकारीहरुले आइतबार बिहान दिएको जानकारी अनुसार पछिल्लो २४ घण्टामा भारतमा दुई लाख ४० हजार ८४२ जना नयाँ सङ्क्रमित थपिएका हुन् । त्यसैगरी सोही अवधिमा अरु तीन हजार ७४१ जनाको कोरोनाभाइरसको संक्रमणका कारण मृत्यु भएको केन्द्रीय स्वास्थ्य तथा परिवार कल्याण मन्त्रालयले जनाएको छ । पछिल्लो एक दिनमा भारतमा तीन लाख ५५ हजार १०२ जना कोरोनाभाइरसबाट सङ्क्रमणमुक्त भएको पनि मन्त्रालयको तथ्याङ्क छ । मन्त्रालयको विवरण अनुसार नयाँ सङ्क्रमितको सङ्ख्या भन्दा सङ्क्रमणमुक्त भएकाहरुको सङ्ख्या एक लाखभन्दा बढी रहेको छ । भारतमा अहिलेसम्म कुल सङ्क्रमितको सङ्ख्या दुइ करोड ६५ लाख ३० हजार १३२ रहेको छ जसमध्ये २८ लाख पाँच हजार ३९९ जना अहिले पनि सङ्क्रमित अवस्थामै रहेका छन् । भारतमा कोरोनाभाइरसका कारण अहिलेसम्म कुल मृतकको सङ्ख्या दुई लाख...
डोनाल्ड ट्रम्पको रिपब्लिकन पार्टी विभाजित
अन्तर्राष्ट्रिय, समाचार

डोनाल्ड ट्रम्पको रिपब्लिकन पार्टी विभाजित

अमेरिकामा राष्ट्रपतिको निर्वाचनपछि त्यहाँको संसद भवन क्यापिटल हिलमा ६ जनवरीमा भएको हिंसाको मामिलामा त्यहाँको संसदको तल्लो सदन हाउस अफ रिप्रेजेन्टेटिभले सद्वदलीय जाँच कमिसनलाई स्वीकृति दिएको छ । जाँच कमिसन गठन गर्ने विषयमा हाउसमा प्रस्ताव आएपछि ट्रम्पको रिपब्लिकन पार्टी विभाजित भएको छ । प्रस्ताव पेश भएपछि ३५ जना रिपब्लिकन सांसदहरुले ट्रम्पको विपक्षमा अर्थात जाँच कमिसन गठन गर्ने पक्षमा मतदान गरे । ट्रम्पको रिसको पर्वाह नगरी यसरी रिपब्लिकन सांसदहरुले कमिसन गठन गर्ने विषयमा डेमोक्रेटलाई साथ दिनुलाई अर्थपूर्ण रुपमा लिइएको छ । यो प्रस्तावको १७५ सांसदहरुले विरोध गरे जबकि यसको समर्थनमा २५२ भोट परे । प्रस्तावलाई अनुमोदनको लागि माथिल्लो सदन सिनेटमा पठाइएको छ । सिनेटमा यो प्रस्ताव पारित हुनको लागि डेमोक्रेट सांसदहरुसहित कम्तीमा १० जना रिपब्लिकन सांसदहरुले पनि यसको पक्षमा मतदान गर्नुपर्ने हुन्छ ...
जापानद्वारा थप तीन राज्यमा स्वास्थ्य सङ्कटकाल घाेषणा
अन्तर्राष्ट्रिय, समाचार

जापानद्वारा थप तीन राज्यमा स्वास्थ्य सङ्कटकाल घाेषणा

जापानले कोभिड-१९ वृद्धि भएको भन्दै थप तीन राज्यमा स्वास्थ्य सङ्कट क्षेत्रका रूपमा विस्तार गरेको छ । जापानी प्रधानमन्त्री योशीहिदा सुगाले शुक्रबार होक्काइदो, ओकायामा र हिरोशिमा क्षेत्रहरूमा स्वास्थ्य सङ्कट बिस्तार गर्ने घोषणा गरेका हुन् । सरकारले यसअघि टोकियो, ओसाका, ह्योगो र क्योटोमा स्वास्थ्य सङ्कटको अवस्था मे अन्त्यसम्मका लागि विस्तार गरेको छ र यसलाई आइची र फुकुओका क्षेत्रमा पनि विस्तार गर्ने बताएको छ । यसैबीच, सरकारले गुन्मा, इशिकावा र कुमामोटो प्रान्तहरूमा स्वास्थ्य क्षेत्रमा अर्ध-सङ्कटकाल विस्तार गर्ने पनि प्रधानमन्त्री सुगाले बताए । स्वास्थ्य कार्यदलको बैठकमा सुगाले भने, ‘होक्काइडो, ओकायामा र हिरोशिमामा संक्रमण बढेका कारण यहाँ कडा प्रतिबन्ध लगाउनुपर्ने देखिएको छ । यहाँ आइतबारदेखि मे ३१ सम्म मद्यपान गर्न र रेष्टुरेन्टहरूमा प्रतिबन्ध लगाइएको थियो ।...
कोरोनाविरूद्धको चिनियाँ खोपलाई डब्ल्युएचओले दियो मान्यता
अन्तर्राष्ट्रिय, समाचार

कोरोनाविरूद्धको चिनियाँ खोपलाई डब्ल्युएचओले दियो मान्यता

विश्व स्वास्थ्य संगठन (डब्ल्युएचओ) ले चिनियाँ कम्पनी सिनोफार्मले विकास गरेको कोरोना भाइरसविरुद्धको खोपलाई मान्यता दिएको छ । डब्ल्युएचओले भरखरै मान्यता दिए पनि चिनियाँ सरकारी स्वामित्वको कम्पनी सिनोफार्मले उत्पादन गरेको यो खोप चीनसहितका विभिन्न देशले प्रयोगमा ल्याइसकेका छन् । अफ्रिका, ल्याटिन अमेरिका र एसियाका गरिब देशहरुमा यसअघि नै चिनियाँ खोप आकस्मिक प्रयोगका लागि भन्दै प्रयोगमा आइसकेको छ । डब्ल्युएचओले यसअघि फाइजर, एस्ट्राजेनेका, जोन्सन एण्ड जोन्सन र मोदेर्नाको खोपलाई मात्रै स्वीकृति प्रदान गरेको थियो । डब्ल्युएचओले शुक्रबार सिनोफार्म खोप सुरक्षित, प्रभावकारी र गुणस्तरीय रहेको भन्दै स्वीकृति दिएको बीबीसीले जनाएको छ । सिनोफार्मको खोप १८ वर्ष माथिका लागि दुई मात्रा दिनु पर्ने उल्लेख छ । यसको प्रभावकारीता ७९ प्रतिशत रहेको उत्पादकले दाबी गरेको छ ।...
माल्दिभ्सका पूर्वराष्ट्रपति नाशिद बम हमलामा घाइते
अन्तर्राष्ट्रिय, समाचार

माल्दिभ्सका पूर्वराष्ट्रपति नाशिद बम हमलामा घाइते

 माल्दिभ्सका भूतपूर्व राष्ट्रपति मोहम्मद नाशिद राजधानी मालेमा भएको एउटा सन्दिग्ध बम हमलामा घाइते भएका छन्। उनी माल्दिभ्सको संसद्‌का बहालवाला सभामुख पनि हुन्। सत्ताधारी माल्दिभियन डेमोक्र्याटिक पार्टीका समर्थकहरूले बताएअनुसार उनी आफ्नो घरबाहिर रहेको कारमा सवार हुन लाग्दा बिहीवार उक्त विस्फोट भएको थियो। माल्दिभ्सको प्रहरीले जारी गरेको एउटा वक्तव्यमा भनिएको छः मोहम्मद नाशिदलाई विस्फोटनमा चोट लागेको छ र उनको हाल उपचार भइरहेको छ। प्रारम्भिक विवरणहरूका अनुसार उनको घरबाहिर पार्क गरेर राखिएको मोटरसाइकलमा विस्फोटक पदार्थहरू बाँधेर राखिएको र त्यसलाई विस्फोट गराइएको हुनसक्छ। उनको उपचार भइरहेको अस्पतालले मोहम्मद नाशिदलाई धेरै ठाउँमा चोट लागेको जनाएको छ। तर उनको स्वास्थ्य अवस्था स्थिर रहेको बताएको छ। उनका समर्थकहरू अस्पतालबाहिर भेला भएका छन्। त्यहाँको अवस्था तनावपूर्ण रहेको र ...