Friday, November 20

राष्ट्रिय कलाकारको बेजोड प्रस्तुतिसंगै छैँठौँ भक्तपुर मेलामा डान्स आईडल हुँदै

काठमाण्डौ, चैत्र २७
ग्यालेक्सी दैनिक

छैठौं भक्तपुर औधोगिक सांस्कृतिक, पर्यटन तथा व्यापार मेला २०७८/७९ को चौथो दिन अर्थात चैत्र २८ गते सोमबार चर्चित गायक सुगम पोखरेल, चर्चित गायिका रचना रिमाल, गायिका श्रुति सिंह, गायक रुद्रसेन बिश्वकर्मा, डान्सर रिया श्रेष्ठ, रस्ना थापा, अर्जुन मिश्र गायिका सुजाता केसी, सागर, गायक सुमन कुमार श्रेष्ठ र ब्रम्हास्त्र ब्याण्ड लगायत स्थानीय कलाकारहरुको बेजोड प्रस्तुति रहने भएको छ ।

त्यस्तै आज २७ गते आइतबार मेलाको तेस्रो दिनमा लोकप्रिय गायक हेमन्त शर्मा, प्रमोद निर्वाण, सुनिल बज्रचार्य (मध्यपुर ब्याईज), रमेश श्रेष्ठ मेलोडी, सुमन कुमार श्रेष्ठ, क्रिशल विश्वकर्मा (एरिक), रितु कंडेल, हास्यकलाकार राजन खैराते, मिना श्रेष्ठ लगायतका कलाकारहरुले भक्तपुरको पुरै माहोल संगीतमय बनाएका थिए ।

लगभग १० दिन चल्ने मेलामा राष्ट्रिय कलाकारहरुको बेजोड प्रस्तुतिसंगै भईरहेको खुल्ला नृत्य प्रतियोगिता डान्स आईडलमा प्रमुख निर्णायकको रुपमा गायक, सञ्चारकर्मी, कोरियोग्राफर तथा निर्देशक सुमन कुमार श्रेष्ठ तथा सञ्चारकर्मी तथा कोरियोग्राफर ईन्द्र बिशंखे रहेका छन । जसको अन्तिम निर्णय भने महोत्सवको अन्तिम दिन हुने जानकारी आयोजकले गराए ।

“नयाँ बर्ष नया सोच, युवाहरुको लागि छ प्रगतिको श्रोत” भन्ने मूल नाराका साथ नेपाली नयाँ बर्षको पूर्व सन्ध्यामा भक्तपुरमा छैंठौ भक्तपुर औधोगिक सांस्कृतिक, पर्यटन तथा व्यापार मेला २०७८/७९ चैत २४ गते देखि बैशाख ४ गते सम्म भक्तपुरको सल्लाघारी स्थित तिनकुने चौरमा भईरहेको जानकारी महोत्सबका संयोजक दिपक थापाले गराए ।

लामो समयदेखि नेपालका विभिन्न जिल्लाहरुमा औधोगिक तथा व्यापार मेला गर्दै आएको सस्था औधोगिक शान्ति नेपाल संस्था र मध्यपुर ब्वाइज ब्याण्ड नेपाल संस्थाको संयुक्त आयोजनामा भक्तपुरमा छैठौ पटक “छैठौ भक्तपुर औधोगिक सांस्कृतिक, पर्यटन तथा व्यापार मेला २०७८/७९” आयोजना भईरहेको छ।

अन्तराष्ट्रिय स्टल सहित उक्त मेलामा २ सय भन्दा बेसी स्टलहरु रहने र सम्पूर्ण दैनिक उपभोग्य खाद्यान्नका समानहरु देखि लिएर लत्ता कपडा, जुत्ताहरु,कृषि तथा हस्तकलाका समानहरु, भाडाकुडाहरु, एकै ठाउमा सर्ब सुलभ तरिकाले पाउने र त्यसै गरि अटोमोबाइल, विभिन्न ब्रान्डका मोबाइल अन्य इलोक्ट्रोनिक्स समानहरु पनि उपलब्ध हुने र राष्ट्र ब्यापी भलिबल प्रतियोगिता, नृत्य प्रतियोगिता, सास्कृतिक प्रदर्शनी, चिडियाघर, राष्ट्रिय तथा अन्तरराष्ट्रिय खान महोत्सब, ब्यापार तथा पर्यटकीय प्रदर्शनी र चर्चित गायक तथा गायिकाद्वारा लोकदोहोरि गित समेत प्रस्तुत हुनेछ । मेलामा बिक्रि वितरण गर्न राखिएको समानहरुमा २५ देखि ५० प्रतिसत सम्म छुटको ब्यबस्था छ भने मेलामा प्रवेश शुल्क रु ६० र ४० मात्र रहेको जानकारी संयोजक थापाले गराएका छन् ।

छैठौ औधोगिक सांस्कृतिक, पर्यटन तथा व्यापार मेला २०७८/७९ मा करिब ५ लाख उपभोक्ताले मेलाको अबलोकन गर्ने अनुमान गरिएको र उक्त मेलामा ४ दर्जन भन्दा बेसी राष्ट्रिय तथा स्थानीय कलाकारहरुले आफ्नो मनोरन्जनात्मक कला, गायन कला, हास्य ब्यङ्ग प्रदर्शन गर्ने र उपस्थित भिडलाइ भरपुर मनोरंञ्जन दिने र बालबालिकाहरुको लागि पनि छुट्टै बाल उद्दान, रोटे पिङ्ग, मारुती सर्कस, कोलम्बस, जादु तथा अन्य खेल सामग्री समेत रहेको जानकारी औधोगिक शान्ति नेपाल सस्थाका अध्यक्ष सन्दिप महतले गराए साथै उक्त मेला अबलोकन गरि आन्तरिक तथा बाह्य व्यापार ब्यबसाय र धार्मिक सांस्कृतिक पर्यटनलाइ प्रबर्धन गर्न सम्पूर्ण नेपाली समुदायलाइ उनले आव्हान गरेका छन् र यो मेलाले भक्तपुरलाइ मात्र नभएर अन्य बाह्य छिमेकि जिल्लाका बासिन्दाहरुले समेत लाभ लिन सक्ने कुराको जानकारी पनि उनले गराएका थिए । यस संस्थामा अधक्ष सन्दिप महत, उपाधक्ष्य राज कुमार खड्का, महासचिब शंकर गुरुङ, कोषाधक्ष्य प्रितम मल्ल, मिडिया तथा कलाकार संयोजक सुर्य चन्द र कार्यालय सचिब जिबन नेपाल र बिमल सुर्खेती रहेका छन । महोत्सबको कार्यक्रमको सञ्चालन लोकप्रिय उद्घोषक अनित बिष्टले गरिरहेका छन् ।

१२ औ डि सिने अवर्डमा एड्भेन्चर स्टार गौतमा खातीलाई विशेष सम्मान
काठमाण्डौ, चैत्र २७ | तेजनेपाल
ग्यालेक्सी दैनिक
कोरोना महामारीपछिको झण्डै दुई वर्षपछिको समयको अन्तरालपछी चलचित्र मनोरञजन क्षेत्र अहिले केही चलायमान भएको अवस्था छ । यस् संगै चलचित्र निर्माण तथा प्रदर्शन हुने क्रम पनि बढ्दो छ् ।

यही चलचित्र क्षेत्रकै कलाकार प्राविधिक तथा यससंग सम्बन्धित व्यक्तित्वहरुलाइई सम्मान गर्दै आईरहेको छाँयाछवीको आयोजनमा डि सिने अवार्डको १२ औँ संस्करण पनि हालै सम्पन्न भएको छ ।

पर्यटकिय नगर धुलिखेलमा सम्पन्न भएको उक्त अवार्ड कार्यक्रममा चलचित्र बिकास बोर्डका अध्यक्ष दयाराम दाहाल, नेपाल चलचित्र कलाकार संघका अध्यक्ष रविन्द्र खडका, चलचित्र पत्रकार संघका अध्यक्ष र चलचित्र निर्माण संघका अध्यक्ष तथा वारीष्ठ चलचित्र कर्मी तथा विभिन्न उच्च अहोदाका व्यक्तित्व लगायतको बाक्लो उपस्थिति रहेको थियो ।

कुल २७ वटा विधामा अवार्ड प्रदान गरिएको उक्त कार्यक्रममा नेपाली क्षेत्रमा विशेष योगदान दिनुभएकी नेपालकै पहिलो नायिका भुवन चन्दलाई लाईफ टाइम एचिभमेन्ट अवार्डद्वारा सम्मानित गरिएको थियो भने एडेभेन्चर स्टार गौतम खातीलाई चलचित्र तथा एड्भेन्चर क्षेत्रमा विशेष योगदान पुर्‍याए वापत विशेष सम्मन गरिएको थियो । त्यस्तै अभिनेत्री झरना थापा, वरिष्ठ अभिनेता तथा पाइलट बिजय लामा, युवा पत्रकार बिष्णु सुवेदी लगायतलाई विशेष सम्मानबाट सम्मानित गरिएको थियो ।

डि सिने अवार्ड सम्भवत: नेपालकै पहिले सिने अवार्ड भएको कार्यक्रमका अध्यक्ष तथा चलचित्र पत्रकार संघका भुतपुर्व अध्यक्ष समेत रहनु भएका अध्यक्ष शान्तीप्रिय ज्युले ले जानकारी गराउनु भयो ।

Leave a Reply

Your email address will not be published. Required fields are marked *