काठमाडौं उपत्यकामा थप एक हप्ता निषेधाज्ञा थप्ने तयारी गरिएको छ ।
कोरोनाभाइरस संक्रमण नियन्त्रणका लागि भन्दै गत वैशाख १६गतेदेखि जारी गरिएको निषेधाज्ञा यही जेठ ३१ गतेसम्म रहेको छ । तर, स्थानीय प्रशासनले थप एक हप्ता निषेधाज्ञा लम्ब्याउने तयारी गरेको छ ।
कोरोना संक्रमण दर अझै उल्लेखनीयरुपमा नघटेको निष्कर्ष निकाल्दै काठमाडौं, ललितपुर र भक्तपुरका प्रमुख जिल्ला अधिकारीहरुबीच थप एक हप्ता निषेधाज्ञा थप्ने अनौपचारिक सहमति भएको हो ।
तर, अब थपिने निषेधाज्ञा केही खुकुुलो बनाइने भएको छ । खेतीपातीको मौसम भएकाले कृषि कार्य तथा निर्माण व्यवसायको कामलाई खुकुलो बनाउने तयारी गरिएको छ ।
