नारायणगढ–मुग्लिन सडकखण्डमा पहिरो खसेपछि आज बिहानदेखि सडक अवरुद्ध भएको छ । जिल्ला प्रहरी कार्यालय चितवनका अनुसार इच्छाकामना गाउँपालिका–६ पाँचकिलोमा माथिबाट पहिरो खसी सडक दुईतर्फी अवरुद्ध भएको हो ।
अहिले पानी निरन्तर परिरहेको र पहिरोसमेत झरिरहेकाले पन्छाउन कठिन भएको जनाइएको छ। पहिरो आज राति ३ बजेको समयमा खसेको हो । अविरल बर्षाले नारायणगढ–मुग्लिन सडकखण्डका ठाउँ ठाउँमा सानो, ठुलो पहिरो गएको छ ।
