Friday, November 20

सञ्चाकर्मी गीता अधिकारीले ल्याइन तीज गीत “छम्म छम्म नाचौ न”

काठमाडौं, साउन १६
ग्यालेक्सी दैनिक
कुशल सञ्चाकर्मी तथा गीतकार गीता अधिकारीको शब्द रचनामा रहेको मौलिक तीज गीत “छम्म छम्म नाचौ न”को भिडियो सार्वजनिक भएको छ ।

नारायण रिजालको निर्देशन रहेको तिज गीतको भिडियोमा सारिका घिमिरे, रश्मी भट्ट, रेनुका रिजाल, सुस्मिता लामा, संगीता श्रेष्ठ, आरती थापा मगर, सुस्मिता पौडेल सहित ६० जनाभन्दा बढी कोरस प्रयोग गरिएको छ ।

शान्तिश्री परियार र सारिका घिमिरेको स्वर, योगेशकाजीको संगीत एवं एरेञ्ज, पवन विश्वकर्माको मिक्सिङ तथा मास्टरिङ रहेको गीतको भिडियोमा सात दिदी, बहिनीको कथा प्रस्तुत गर्न खोजिएको छ जसमा रोशन बुढाथोकीको कोरियोग्राफी रहेको छ ।

वरिष्ठ गायिका ज्ञानु राणाको प्रमुख आतिथ्यता र वरिष्ठ संगीतकार राजु सिंहको सभापतित्वमा भएको कार्यक्रममा विश्व कीर्तिमानी संगीतकार सन्तोष श्रेष्ठ, साहित्यकार शैलेन्द्र चापागाईं, सञ्चारकर्मी सानुकाजी श्रेष्ठ, कृष्ण भुषाल, तुलसी गिरी ‘भावुक’ लगायतका व्यक्तित्वहरूको आतिथ्यता रहेको थियो ।

प्रमुख अतिथी ज्ञानु राणा र संगीतकार राजु सिंहले अहिलेको समयमा पनि मौलिक तीज गीत र भिडियो बनेकोमा यससंग सम्बन्धित सबैलाई बधाई तथा शुभकामना दिएका थिए ।

सञ्चारकर्मी तथा गीतकार गीता अधिकारीका यसअघि ‘यतै घमाइलो उतै घमाइलो’, ‘बजाउँदै चुरा’, ‘तिजैमा व्रत बसी’ जस्ता तिज गीत सार्वजनिक भइसकेका छन् ।

Leave a Reply

Your email address will not be published. Required fields are marked *