‘मिस एण्ड मिसेस व्यूटिफुल नेपाल २०२६’ घोषणा, असार २० देखि अडिसन सुरु
काठमाडौं । दक्ष इन्टरनेशनलको आयोजनामा विगत एक दशकदेखि सञ्चालन हुँदै आएको प्रतिष्ठित सौन्दर्य प्रतियोगिता ‘मिस एण्ड मिसेस व्यूटिफुल नेपाल २०२६’ को नयाँ संस्करण घोषणा गरिएको छ।
राजधानीको सिटी सेन्टरमा आयोजित पत्रकार सम्मेलनमार्फत प्रतियोगिताबारे जानकारी दिँदै आयोजक संस्थाका अध्यक्ष तथा सेलिब्रेटी मेकअप आर्टिस्ट टेकराज पाण्डेले यस वर्षको संस्करणलाई अझ भव्य, व्यवस्थित र प्रभावकारी बनाइने बताए।
उनले सौन्दर्य प्रतियोगिता केवल ताज जित्ने प्रतिस्पर्धा मात्र नभई व्यक्तित्व विकास, आत्मविश्वास अभिवृद्धि तथा जीवनका नयाँ अवसरहरू सिर्जना गर्ने सशक्त मञ्च भएको उल्लेख गरे। दक्ष इन्टरनेशनलले महिलाहरूलाई आफ्नो क्षमता प्रदर्शन गर्ने अवसर प्रदान गर्दै आएको र प्रतियोगिताले धेरै प्रतिभालाई राष्ट्रिय तथा अन्तर्राष्ट्रिय स्तरमा परिचित गराउन महत्वपूर्ण भूमिका खेलेको उनको भनाइ थियो।
यस वर्ष ‘मिस व्यूटिफुल नेपाल’...










