कोभिड-१९ को रोकथाम, उपचार र राहतमा केन्द्रित हुन काँग्रेसको माग
नेपाली कााग्रेसले कोरोना रोकथाम, उपचार र राहतमा केन्द्रित हुन सरकारसँग माग गरेको छ। काँग्रेस सभापति शेरबहादुर देउवाले विहीबार एक विज्ञप्ति जारी गर्दै यस्तो माग गरेका हुन्।
देउवाले भनेका छन्, ‘अहिले कोभिड–१९ को संक्रमणले सिर्जना गरेको स्वास्थ्य चुनौती मात्र नभएर निषेधाज्ञाले उद्योग व्यवसाय बन्द भएर खडा गरेको वेरोजगारीका कारण रोजिरोटीको संकट पनि जटिल बन्दै गएको छ।’
उनले काँग्रेसले सरकारलाई गम्भीर हुन पटक पटक भने पनि सरकारले नसुनेको आरोप लगाएका छन्। विज्ञप्तिमा भनिएको छ, ‘नेपाली काँग्रेसले कोभिड–१९ को रोकथाम र उपचारमा गम्भीर हुन सरकारलाई पटक–पटक खबरदारी गर्दै आएको छ। यही जेठ ६ गते पनि मेरो नेतृत्वमा नेपाली कांग्रेसको प्रतिनिधिमण्डलले कोभिड–१९ को महामारीबाट जनतालाई बचाउन १५ बुँदे ज्ञापन–पत्र प्रधानमन्त्रीलाई बुझाउँदै सरकारको गम्भीर ध्यानाकर्षण गराएको हो।’
देउवाको विज्ञप्ति
नेपाली क...










